Aurreko larunbatean, Ordiziako Ohorezko Jubenilen hitzordua izan genuen Altamiran. Lagun Onak talde azpeitiarra jaso zuten etxean.
Bi taldeak ligako sailkapenean bata bestearen atzetik aurkitzen ziren oso parekatuta, Lagun Onak bigarren postuan eta Ordizia hirugarrenean.
Partidu hasieratik Ordiziak maila altuagoa erakutsi zuen. Aurkariei aukera askorik utzi gabe, lehen zatian etxeko taldeak lau gol markatu zituen. Bigarren zatian, bide beretik jarraituz, Ordizia gainetik ezarri zen eta aurkarien ahulguneak aprobetxatuz, lau gol gehiago sartu zituen. Gauzak horrela, partida 8 - 1 amaitu zen.
Ordiziako Ohorezko Jubenilek hiru jardunaldi dituzte aurretik ligako fase honetan. Une honetan 55 punturekin, bigarren postuan aurkitzen dira, Urki-ren atzetik. Asteburu honetan desafio garrantzitsu bat dute aurretik, izan ere, liderren aurka jokatuko dute etxetik kanpo.