Zabalik dago XVII. Ordiziako eskuz binakako pilota txapelketa herrikoian izena emateko epea. Parte hartu nahi duten guztiek emaneurretaldea@gmail.com posta elektroniko helbidera ondorengo informazioa bidali beharko dute:
- Bikoteko bakoitzeko parteiden izen abizenak.
- Kontakturako telefono zenbaki bat.
- Izen ematearen ordaiagiriaren kopia atxikituta.
Izena emateko azken eguna apirilaren 30a izango da eta 10 euro ordaindu beharko dira bikoteko. Ondorengo lau baldintzetatik, behintzat, bat bete beharko dute jokalariek txapelketan parte hartzeko:
- Ordizian jaioa izatea.
- Ordizian erroldatua egotea.
- Txikitatik Ordizian ikasi izana.
- Ordiziarekin lotura estua eta jarraia izatea.
Kontutan izan behar da pilotan federatuta daudenek ezin izango dutela parte hartu.
Bikote bakoitzak gehienez pertsona bat izango du partidaren batean ordezkapena egiteko. Jokalari hori beti berdina izango da eta ezin izango du txapelketako beste edozein bikoteren ordezkoa izan, ezta txapelketatik at geratu den edozein jokalari izan. Ordezkapenak egiten dituen jokalariaren partidu kopuruak ez du mugarik baina bigarren faseko azken partidu jokatzen duen bikoteak jokatu beharko du finala. Hau kontutan izanda txapelketako koadroa partaide kopuruaren arabera diseinatuko da.
Pilotak Urdin tabernan egongo dira eta ezingo da bi pilota baino gehiago hartu partidako. Bikote bakoitza partidua jokatzeaz eta honen emaitza pilotak dauden kaxan apuntatzeaz arduratu beharko da. Emaitzik ez dagoen partidetan bi bikoteek 22-0 galdu dutela kontsideratuko da.
Arautegian behar bezain argi agertzen ez diren puntuak eta gerta litezkeen egoera berriak direla eta, antolakuntzak gordetzen du horiei buruz erabakiak hartzeko eskubidea. Erabaki horiek arautegiari gehituko zaizkio puntu berrietan hurrengo ekitaldietan kontutan hartzeko.
Antolatzaileak ez dira txapelketan gerta litezkeen ezbehar eta lesioez arduratuko.