Ikasturte honetan 50 urte betetzen ditu Ordiziako Urdaneta Euskal Eskola Publikoak. Urteurrena merezi bezala ospatzeko, festa antolatzen ari dira maiatzaren 4rako. Jai honetan 50 urteotan ikastetxearen komunitate izandako lagun orok parte hartzea nahi dute antolatzaileek; langile, ikasle, irakasle zein familiek hain zuzen ere.
Festa egunean paella erraldoia egingo dute frontoian. Bazkarira joan nahi dutenek tiketa erosi beharko dute. Bi modu egongo dira hauek eskuratzeko. Batetik, eskolako idazkaritzan edota apirilaren 12an, 15ean, 16ean eta 17an 16:30etatik 17:30etara Lehen eta Haur Hezkuntzako eraikinetan bereziki jarritako mahaietan. Bestetik, webgunean izena emanda, transferentzia egin daiteke eta maiatzaren 4 egunean bertan tiketak jaso. Transferentzia ES97 3008 0225 1234 9242 7822 kontuan egin beharko da. Bazkariaren prezioa 5 eurokoa izango da helduentzat eta 3 eurokoa 12 urtetik beherako haurren kasuan.
Izena emateko azken eguna apirilaren 19a izango da.