Mirentxu eta Pablo erditzear daude. Haiek jakin gabe, bien senitartekoak ospitalera hurbiltzen hasten dira. Okasioak merezi du. Jaioberriak bi familiak batuko ditu. Baina itxarongelan galdera bat dago airean: mutila ala neska izango da?
El parto antzezlanak, Ana Martinez Azconak idatzi eta Rosa Rojok zuzendutako komediak, genero berdintasunak tradizio matxistari lotutako familia askoren egituran sartzeko duen zailtasuna jorratzen du. Lanak umorez begiratzen du hainbat norabidetan: feminismoa, matxismoa, maskulinitate berria, rolei eta plazerari buruzko mito faltsuak, sexu-aniztasuna, etab.
Rosa Rojoren zuzendaritzapean, Urtzi Gorostiaga, Ana Martinez, Marisol Cavero, Jose Luis Elorza, Julen Paredes, Juan Manuel Pecharromán, Miguel Angel Veliz “Lillo” eta Gorka Lariz igoko dira oholtzara. Urtzi Gorostiaga ataundarraren eta “Lillo” beasaindarraren estreinaldia izango da Urrup taldearekin. Antzezlaneko kartela Eukene Lekuonaren diseinua da
Egin GITBkide Goierri Irrati Telebista aplikazioan eta zozketaz, Gida Komertzialeko abantailaz eta premium edukiaz gozatu.
GITBkide