Ordiziako Kimetz Emakumeen elkarteak, martxoaren 8aren inguruan antolatu duen egitaraua zabaldu du. Martxoaren 5ean egingo dute lehenengo ekintza. Barrena Kultur Etxean kafe kontzertu bat antolatu dute Eider abeslari lazkaotarrarekin.
Martxoaren 7an, urtero ospatzen duten kalean margotzen ekimena egingo dute. Goizeko 10etatik aurrera udalktxeko arkupeetan margotzen arituko dira Patxi Morales tailerreko emakume artistak.
Egun berean, arratsaldeko 19tan, emakumeen aurkako indarkeria salatzeko elkarretaratzea deitu dute Plaza Nagusian.
Ondoren, arratsaldeko 20:30tan Herri antzokian, Urrup antzerki taldearen antzezlan berria ikusteko aukera egongo da. “El parto” lanaren lehenengo emanaldia izango da eta bertan erditzearen ostean, jaioberriaren generoaren inguruan bi familien artean sotzen diren eztabaidak kontatzen ditu. Umoretik, genero berdintasunak tradizio matxistari lotutako familia askoren egituran sartzeko duen zailtasuna jorratuz.
Azkenik, Emakumeen Nazioarteko Egunean elkarretaratzea egingo dute 13tan plazan eta arratsaldean Goierri mailan Lazkaon ospatuko den ekitaldira batuko dira.