Ahozkotasunaren Nazioarteko jaialdia aurrera doa eta larunbat honetan Ordizian hitzordu garrantzistu izango da. Egitarauaren baitan antolatutako Ahozko Narrazio lehiaketaren sailkapen saioa ospatuko da larunbatean, 19:00tan Ordiziako Delikatuz zentroan.
Hamabigarren edizioa izango da aurtengoa eta 5 partaidek eman dute izena. Goierritik, Urtzi Gorosatiaga ataundarra izango da. Iaz lehen aldiz parte hartu zuen eta finalera iristea lortu zuen. Bi tolosar ere izango dira oholtza gainean, Amaia Pagola, iaz ere finalean izan zena, eta Jokin Aldazabal. Belauntzatik Ester Poveda etorriko da eta azkenik, Zornotzatik etorritako Iam Agorriak osatuko du taldea.
Lehiaketa honetan profesionalek edota ez profesionalek hartu dezaketa parte. Kontalari bakoitzak, gehienez zortzi minutu iraungo duen ipuina kontatuko du, euskaraz. Larunbateko saioan hiru finalistak aukeratuko dira, bi epaimahiko kideek aukeratuak eta hirugarrena publikoak erabakiko du. Finala, martxoaren 22an ospatuko da Barrena Jauregian egingo den Ahoz Aho Narrazioaren Gala Handian. Hiru finalistek izango dute saria; lehenengo sarituak 300 euro irabaziko ditu, bigarrenak 200 euro eta hirugarrenak 100 euro.
Larunbateko saioan Ane Gebarak egingo ditu aurkezle lanak eta Yaima Orozko kubatarra izango da gonbidatua.