Argi Berri elkarteko mus txapelketa azkarra otsailaren 10ean ospatuko da

Argi Berri elkarteko 45. Mus txapelketa azkarra ospatuko da otsailaren 10ean. Muslari ugari erakartzen ditu txapelketa honek eta aurten ere horrela izatea espero dute antolatzaileek. Egunean bertan izango da izen ematea eta bikote bakoitzeko 50 euro ordainduko da. 4 erregetara jokatuko da, 6 hamarreko  3 ustelera,  eta arratsaldeko 16:30ean hasiko da txapelketa.
Primerako sariak daude jokoan. Lehenengo 8 bikoteak izango dira sarituak.  Bikote irabazleak 2000 euro eta txapela eskuratuko du. Bigarrenak 1000 euroko saria eta 500 euro hirugarren bikoteak. Arkumeak, txuletak eta afariak ere egongo dira sarien artean.