Ordizia K.E. Urpekoak, hamargarren Ordizia Urpekoak Saria antolatu du otsailaren 3an, Majori kiroldegiko igerilekuan. Txapelketa hau, E.H.U.I.F-ren laguntza eta Ordiziako Udalaren babesarekin antolatzen da.
Hamalau talde elkartuko dira Ordizian, guztira 240 igerilarik parte hartuko dutelarik. Parte hartuko duten taldeen artean hamahiru espainiar estatukoak dira eta bat frantziarra. Kataluniako, Balear Irletako eta Gaztela eta Leongo bina talde izango dira, Andaluziako eta Valentziako Erkidegoko bana, eta Euskadiko bost. Parte-hartzaileen artean Espainiako selekzioarekin Europa zein Munduko txapelketetara joan diren hainbat igerilari izango dira bertan.
Txapelketa bi jardunaldietan zatituko da: lehena, larunbat goizean 09:30etatik-12:30etara eta bigarrena, 16:30tatik-19:00tara.
Hegatsak erabiliz, txapelketari erritmo biziago bat ematen dion betiko igeriketarengandik aldentzen den modalitate ezberdin hau ikustera gonbidatzen du Urpekoak taldeak.
