Otsailaren 4an ospatuko den Ordiziako Mendi lasterketa berrikuntzekin dator aurten. Iaz, lehen aldiz, Ordiziako plazan kokatu zen irteera eta helmuga, lasterketa herriratzeko asmoz. Aurten berriz, 21 km-tako ibilbideari beste bi lasterketa gehituko zaizkio, 14 eta 7,8 kilometroko luzerakoak. Gainera guztiak Espainiako txapelketan parte hartzeko sailkagarriak izango dira.
Momentuz, 100 korrikalarik eman dute izena, www.kronoak.com webgunean. Izen ematea otsailaren 2ra arte egongo da zabalik eta antolakuntzatik ohartarazi dute egunean bertan ezingo dela izena eman.
