Pentsiodunen borrokak 6 urte bete ditu. 2018tik huts egin gabe, astelehenero elkartu dira pentsio duinak aldarrikatzeko. Goierriko kideen kasuan Ordizia, Beasain eta Lazkaoko plazak txandakatuz bildu dira.
Ez da erraza borroka bat 6 urtez mantentzea eta horregatik jendearen fideltasuna azpimarratu nahi izan dute gaurkoan, adinean aurrera doazen kide horiek gogoan izanez. Ordiziako plazan egindako elkarretaratzean 80 urtetik gorako kideei zapi bana banatu zaie.