Asier Alvarez de Eulate Ordizia Errugby taldeko jokalariak, sari bikoitza jaso du gaurkoan izan duen ibilbideagatik. Gizonezkoen kirolari onenaren saria jasotzeaz gain, herritarren saria ere jaso du. Emakumezkoen kirolari onenaren saria Ane Gonzalez hegats igeriketako igerilariak jaso du. Elkarteei dagokionez, Ordiziako Eskubaloi taldeak jaso du saria. Azkenik Ordiziako Udalak, Patxi Etxeberriari eskaini dio esker oneko saria, Ordizian kirolari egindako ekarpenagatik.