Gipuzkoako Foru Aldundiko Kirol Zerbitzuak, Kultura Demokratikoko eta Giza Eskubideetako Zerbitzuaren eta Ordiziako Udalaren lankidetzarekin, igeriketa ikastaroa eskainiko die nazionalitate eta kultura desberdinetako 18 emakumeei.
Azaroaren 17an emango diote hasiera ikastaroari. Zortzi saio izango dira guztira eta partaideen erosotasuna bilatzea izan dute helburu: emakumeen taldea izango da, monitorea barne, burkinia erabiltzeko aukera eta ordutegia kontziliazioa errazteko erabakiko da, besteak beste.