Ordizia Orain taldeak antolatu du amiantoari buruzko mahai ingurua hau, "arazoa kezgarri" honen inguruko informazioa zabaltzeko.
Hiru gonbidatu izango dira mahai inguru honetan hizlari. Ion Garciak, Asviamie elkarteko kideak, egungo egoeraren ikuspegi zehatza emango du. Amiantoak kaltetuengan eta ingurumenean duen eragina azalduko du.
Adur Ezenarrok ere parte hartuko du solasaldian. Ordiziako alkateak legeak ezartzen dituen baldintzak eta araudiak betetzeko jarraitu beharreko urratsak izango ditu hizpide.
Azkenik, Gipuzkoako Ur Kontsortzioko kide den Maitane Lasa ere bertan izango da. Honek, amiantoaren presentzia aztertuko du ur- azpiegitura eta instalazioetan. Gainera, amiantoa detektatzen denean jarraitu beharreko protokoloa azalduko du.
Mahai ingurua urriaren 31n, 19:30etan izango da, Barrena Jauregiko areto nagusian. Ordu bete inguruko iraupena aurreikusi dute eta Ordizia Orain taldeak euskaratik gaztelerako itzulpen-zerbitzua, zeinu-hizuntzakointerpretea eta haurtzaindegi zerbitzua eskainiko dela azaldu du.