Aktibatu zaitez! Programa bueltan da beste urte batez. Ordiziako Udalak adineko pertsonak aktibatzeko egitasmoa aurkeztu zuen asteazkenean, fisikoki eta mentalki osasuntsu mantentzeko mugimenduan egotea zein garrantzitsua den azpimarratuz.
Kultura eta jarduera fisikoen atalean adimena landuko dute, Euskara Eskola, Jarduera fisikoa, eskulanak eta abar landuko dituzte. Informatika eta komunikazioan teknologia munduko oinarrizko tresnak erabiltzeko ikasiko dute eta osasuna eta ongizatea atalean autonomia tailerra eta lagunen arteko irakurketa tailerra egingo dute.
Izena emateko epea urriaren 9ra arte egongo da zabalik eta Zuhaizti Gizarte Zentrora jo beharko dute.