Ordiziako Udalak, Oria ibaia eta Mariarats errekako garbiketeei ekin dio aurten ere. Seigarren urtea da ekintza hau aurrera eramaten dutela eta beste urteetan Amundarain erreka ere garbitu duten arren, aurten Aldundia arduratuko da lan horietaz.
Berrikuntza moduan, aurten Oria ibaian dauden landare inbaditzaileen inguruko azterketa egingo du Ordiziako Udalak, Txukun enpresarekin elkarlanean. Garbiketa lanak egin bitartean, zein gunetan egin behar den eskuhartzea ikusiko dute eta landare inbaditzaile hauek kendu.
Jasotzen den Zabor kantitateak gora egin duela adierazi du Maitane Alvarez zinegotziak. 2018an garbiketa lanak hasi zirenean 8000 kilo jaso ziren. Kantitate hau jaisten joan da ondorengo urteetan baina iaz gora egin zuen. Beraz, datuek erakusten duten beharrezkoa dela garbiketa lan hauekin jarraitzea baina Alvarezek azpimarratu duenez, lan hauek herri guztietan egitea beharrezkoa da, udalerri bakoitzak dagokion zatia garbituz gero ibaiak ez duelako hainbeste zabor garraiatuko.
Ibaian biltzen den zaborraren ehuneko handiena plastikoak dira baina bestelako hondakinak ere jasotzen direla adierazi dute. Honen aurrean, hondakinak behar bezala kudeatzeko deia egin die herritarrei, denon ardura bait da halako egoeretara ez iristeko.
Oria ibaian jasotzen ari den zaborra garbigunera eramaten da eta dagokion edukiontzietan sailkatzen da.