Ordiziako Udaleko Euskara Sailak hainbat dirulaguntza bideratuko ditu aurten ere. Hauei esker, ordiziarrek matrikularen 100%a jasoko dute ikasturtean zehar baldintzak betetzen badituzte, HABEk homologatuta.
Marta Ortega euskara zinegotziak azaldu duenez:
Euskaraz bizi nahi dugu, eta euskararen erabilera eta jakintza sustatzea lehentasuna dira guretzat. Horregatik, aurten ere hainbat dirulaguntza bideratuko ditugu euskararen erabilera bultzatzera, bai maila hobetu nahi dutenentzat, baita euskaraz lehen hitzak ikasi nahi dituztenentzat ere
Matrikularen %85a jasotzeko aukera izango dure Ordizian erroldatuta ez daudenek baldintza zehatz batzuk beteta: Ordiziako Udalarekin hitzarmena sinatuta duten Ordiziako enpresetako, dendetako eta tabernetako langileak eta kirol elkarteetako entrenatzaileak izan beharko dira.
Bi kasuetan, urtero gehienez 500€ jasoko dituzte eta barnetegietarako 650€ eta ikastaroa bukatu eta gehienez bi asteetara eskatu beharko dira.
Informazio guztia Ordiziako Udaletxean eta webgunean.