2023ko Espainiako Haur eta Gazte Literatura Saria eman diote Patxi Zubizarreta idazle ordiziarrari, "Zerria" bere lanagatik. Bere "kalitate narratiboa eta kontakizunaren indar desafiatzailea" goratu ditu epaimahaiak, "giza-izaerari buruz hausnartzen duten deskribapen hipnotikoez" gain.
Patxi Zubizarretaren idazkera "delikatu eta dotorea" ere goraipatu du epaimahaiak, "zaurietan edertasuna" aurkitzeko gai dena, gazteei zuzendutako literatura "harribitxi" bihurtuz.
Espainiako Kultura eta Kirol Ministerioak ematen du saria, eta 30.000 euro esleitzen dira honetarako.