Ordizia Rugby-n ibilbidea hasi zuen jokalari moduan Xabik eta nahiz eta gaztea izan, bide luzea egin du kirol honen munduan. 7 urtez izan da maila desberdinetako taldeen zuzendaritzan eta esperientzia du, bai nazioan, bai nazioartean.
Silicius Rugby Majadahonda taldea Iberdrola Ligako, Superkopako, Madrilgo Liga erregionaleko eta Erreginaren Kopako txapeldunordea da. Erronka handia du aurretik ordiziarrak, izan ere, estatuko emakumezkoen talderik onenetako bat da.
Hauek izan dira Xabiren adierazpenak Rugby Majadahondaren webgunean:
"Gogotsu heltzen naiz abentura berri honetara. Oso proiektu pozgarria da niretzat, entrenatzaile bezala ikasi dudan guztia emateko aukera aparta. Niretzat, exijentzia eta itxaropenak handiak dira, Ligako eta Superkopako txapeldun berria naizen honetan, lorpen horiek errepikatzeko lan egitera nator. Gogo handia dut taldea osorik ezagutzeko eta denboraldi honetarako lanean hasteko, asko eskatuko baitigu, ziur nago. "
Klubak konfiantza guztiarekin ongietorri beroa eman diote Rodriguezi.
