Igandeko Udal hauteskundeetako emaitzak berrikusi beharko dituzte Ordizian, akats bat egon delakoan. Dirudienez, akta baten emaitzak komunikatzeko garaian, okerreko datuak igorri ziren eta, ondorioz, erakundeek jakinarazitako emaitzak okerrak izango lirateke.
Hala, erakunde ofizialetatik jasotako datu guztiek 7 zinegotzi ematen zizkioten EH Bilduri, 6 EAJri, 2 PSEri eta beste 2 Ordizia Oraini. Akats hau baieztatuko balitz, ordea, 7na zinegotzi izango lituzkete EH Bildu eta EAJk, 2 Ordizia Orainek eta bakarra PSEk.
Ebazpen ofiziala ez da heldu oraindik, ordea, dagokion batzordeak datuak egiaztatu bitartean.
