Hirugarren edizioa apirilaren 28tik maiatzaren 30era ospatuko da. Bitarte horretan antolatutako ekintzen bidez, gizartearen aniztasuna aldarrikatu nahi dute. Errealitate desberdin horiek modu erakargarrian erakutsi nahi dira zinea, antzerkia eta musika eskaintza anitzaren bidez. Baina Udaberria Transloratzen zikloa informazio gune bat ere bihurtu nahi dute, horrela, "trans legearen" inguruko mahaingurua eta LGTBi diagnostikoaren aurkezpena ere antolatu dira programa honen baitan.