Ordizia K.E. taldeak txapela berretsi du gaur derbi goierritarrean. Indartsu hasi dute partidua eta berehala sartu dituzte lehen bi golak; hirugarrena ere berandu baino lehen iritsi da. Lazkao Gaur Logistikak, ordea, minutu gutxira sartu du gola, eta hortik aurrera ondo eutsi ahal izan dio norgehiagokari.
Partiduaren ostean kopak banatu dizkiete txapeldunei eta txapeldunordeei. Gainera, Ordiziako Ane Alonsok beste kopa bat eraman du etxera denboraldi honetan gol gehien sartu dituen jokalaria izateagatik.
