Olaberriako Kulturaldiaren baitan, igandean Herrialdeen Eguna ospatuko da. Eguerdiko 12:30etatik 14:30etara, jatorri desberdinetako janariz eta edariz beteko da frontoia. Aurten 7 herrialdek hartuko dute parte: Gaztela-Leon, Nafarroa, Galizia, Valentzia, Asturias, Euskal Herria eta Hego Ameriketatik, Honduras, Nikaragua eta Kolonbia izango dira euren plater tipikoak eskainiz. Gainera, frontoi kanpoan musika egongo da giroa alaituz.
Udalak adierazi duenez, ohitura honek herritarrak gustura sentiaraztea eta integratzea du helburu eta aurreko urteetako Herrialdeen Egunetan, elkar ezagutzeko aukera izan dute parte-hartzaile eta bisitariek.
Txartelak dagoeneko salgai daude Zezilioenean, Ihurreko Ostatuan eta Udaletxean 5€ren truke eta 5 urte azpiko haurrek sarrera librea izango dute euren nortasun-agiriak erakutsiz.
