Olaberriko Elite Pala txapelketako finalak ospatu dira asteburuan. Partidak Olaberriko pilotalekuan jokatzekoak ziren baina euriak bertan eragindako hezetasunagatik, Zumarragako Beloki pilotalekura eraman zuten txapelketa.
Txapelketaren 10. edizio honetan, elite mailako palarien ikusgarritasuna baliatu nahi izan dute ume eta gazteak erakartzeko eta maila handiko kirolariekin batera plaza konpartitzeko aukera eskaintzeko.