Arratsaldeko 18:30etan jaurtiko dute txupinazoa eta patata tortila lehiaketarekin eta herri afariarekin hasiko dute festa. Gauean, Azken Sustraiak eta Itzal Erromerien kontzertuak izango dira.
Larunbatean haurren eguna ospatuko dute, besteen artean, goizean jolas parkea ondoren haurren bazkaria egingo dute. Arratsaldean jolasak, ikuskizunak, pilota partidak eta hainbat ekintza izango dituzte eta Puro Relajo kontzertuarekin amaituko dute eguna.
Igandean, ekainaren 23an, herri kirolekin hasiko dute eguna eta arratsaldean San Juan arbolaren zutitzea egingo dute. Gaueko 23:00etan, hain berezia den San Juan Sua egingo dute dantzari, txistulari eta txapalartariekin batera.
Jaiak San Juan Egunarekin amaituko dituzte. Mezaren ondoren, hamaiketakoari helduko diote. Arratsaldean, haurren krosa eta zinta karrera, pintxo eta sagardo dastaketa eta Zagupe taldearekin jolasak egingo dituzte.
