hirugarren edizioa ospatuko da Euskadi mailan. Ekimen honen helburua herritarrak klima-aldaketaren eta beharrezko trantsizio energetiko eta klimatikoaren aurrean kontzientziatzeko eta mobilizatzeko helburuarekin, Asteklima antolatu dute hirugarren aldiz Euskal Autonomi Erkidego mailan. Aurtengoan ere, Olaberriko Udalak hainbat jarduera antolatu ditu Asteklimaren baitan.
Irailaren 26an ekingo diote Asteklimari Olaberrian. Arratsaldeko 18:00etan, Udaletxeko ganbaran, Rafa Irastorza, UHIN ener-gia aholkularitzakoa, izango dugu etxebizitzetarako berokuntza sistema ezberdinen inguruko tailerra eskaintzen.
Biharamunean, irailaren 27an, Naturtzaindiako Ion Fontenlaren eskutik udalerriko basoetan saguxarrentzako jarri zien kabiak bisitatzeko irteera egingo dute eskolako haurrek. Hasteko, ikasgelan bertan, saguzarrei buruzko bi saio egingo dituzte (HH eta LH banatuta) eta, jarraian, ibilalditxo bat egingo dute tiroplato ondoko lursailera saguzar kaxak ikustera. Kuttun guraso elkartekoen eskutik hamaiketakoa izango dute jarduera amaieran.
Ostiralean, 19:30ean, saguzarrak ezagutzen jarraituko dute Ion Fontenlarekin. Saguzarren gaua egingo dute, oraingoan herritar guztientzat. gaua antolatuko da, oraingoan ekimen hau herritar guztiei eskainiko zaie. Lehen ordu erdian roll up-ekin azalpenak emango dira eta iluntzean plazako parketik irten eta detektoreekin ibilaldi gidatua egingo da herrian zehar.
Larunbatean klima kontuei helduko diete. Goizeko 11:00etan, udaletxeko ganbaran, Arantza Aranburu geologoak eskola ondoko baratzean kokatuko den estazio metereologikoa herritarrei aurkeztuko die, besteak beste bertan euri-datuen ezagutzak Olaberrian duen garrantziari buruz arituko da eta klimaren joerak ulertzeko gakoak azalduko ditu.
Asteklima urriaren 10ean amaituko da Olaberrian. 18:00etan, GO2 arkitektura enpresako Oihana Olloquieguik etxebizitzen isolmenduak energia aurrezpenean duen eraginari buruzko tailerra eskainiko du, etxebizitzen birgaitze eta isolamendua hobetzeko gakoak aholku praktikoak emanez.