Mutiloako Errotatxon ikastaro eta tailerrak eskainiko dituzte urritik aurrera. Errotaren balioa nabarmentzeko eta erabilera aldatzeko proiektua abiatu zuen Mutiloako Udalak eta dagoeneko guztiz zaharberrituta dago eraikina.
Beheko solairuan 3D inprimagailuak, laserra eta fresadorak aurkitzen dira eta edonork erabiltzeko aukera zabaldu nahi izan dute. Horretarako, bihar eta etzi, urriaren 3 eta 4an 3D inprimaketako tailerrak eskainiko dira.
Parte hartzeko, ez da aurretiko esperientziarik beharko eta sortzen dituzten objektuak etxera eramateko aukera izango dute. Aurrera begira beste ikastaro batzuk antolatzeko asmoa du Udalak.