Mutiloako Udalak Ostatuaren zerbitzu publikoa ustiatzeko deialdia zabalik du. Kontratuaren barruan taberna, jatetxea, lau logelako pentsioa eta apartamentu bat kudeatzeko aukera sartzen dira. Apartamentu hau etxebizitza bezala ere erabili ahal izango du esleipendunak.
400 euroko hilean
Eskatzen den gutxieneko kanona 400 eurokoa da, BEZik gabe. BEZarekin 484 eurokoa litzateke. Eskatzaileak eskaintza ekonomikoa hobetuko balu, puntu gehiago lortuko lituzke esleipenerako. Prezio honetan sartzen dira taberna, jatetxea eta pentsioaren kudeaketa, baita etxebizitza ere.
Kontratuaren iraupena urtebetekoa izango da, eta bost urtera arte luzatu ahalko da urtez urte.
Pleguak eta baldintzak esteka honetan kontsultatu daitezke. Informazio gehiago eskuratzeko Mutiloako UDalarekin harremanetan jarri 943800450 telefonora deituta edota udala@mutiloa.eus helbidera idatziz.