Legorreta Tolosaldea eta Donostiarekin autobus bidez lotzeko mozioa aurkeztu du EAJk

GITB 2025ko ots. 28a, 14:01

Mozioak ez zuen Udalbatzaren babesa lortu, EH Bilduk ezezkoa bozkatuta.

Legorretako EAJk herriko autobus zerbitzua hobetzea eskatzen duen mozioa aurkeztu zuen otsaileko udalbatzarrean. Bi eskaera egiten zizkion bertan Gipuzkoako Foru Aldundiko Mugikortasun sailari.

Batetik, Goierri eta Donostia lotuko dituen autobus zerbitzuak Legorretan ere geldialdia egitea eskatzen diote. Izan ere, duela hilabete batzuk iragarritako autobus zerbitzu berriak Zumarraga, Beasain, Ordizia, Tolosa eta Donostian aurreikusten ditu geldialdiak. 

Bestetik, Legorreta Tolosaldearekin autobus bidez lotzea galdegiten diote Mugikortasun sailari, legorretar askok eguneroko bizitza Tolosa inguruan egiten dutela argudiatuz. Hezkuntza eta osasun zerbitzuak bertan dituztela gogorarazte du Legorretako EAJk. Horregatik, Tolosaldea eskualdeko autobus zerbitzua Legorretako herriraino luza dezala eskatzen diote Foru Aldundiari. 

Otsaileko udalbatzarrean bozkatu zen EAJk aurkeztutako mozioa. EH Bilduk aurka bozkatuta, baina, ez zen aurrera atera.

Izan zaitez Komunitateko partaide eta eman zure ekitaldien berri!

Argazkiak, artikuluak, hitzorduak, agenda ekitaldiak, eta bestelako edukiak gehitzeko aukera izango duzu webgunera.


KOMUNITATEA