Martxoaren 29an egingo dute aurtengoan Legoreggae jaialdia eta antolatzaileek iragarri dute kartel osoa.
Protoje abeslari jamaikarra izango da kartelburu, Tippy I musikariarekin batera. Elkarrekin igoko dira Harripilako oholtzara. Legorretan amaituko dute Europan zehar martxoan egingo duten bira.
Ozeanoaz bestaldetik etorriko diren bi musikari hauez gain, beste zazpi talde eta bakarlari arituko dira Legoreggaen. Bad Sound, Skaregekasko, Eira, King Konsul, Lua Matheus, Erreugiñak eta Revolutionary Brothersen musika entzun ahal izango da.
Aurrez, arratsaldeko 18:00etatik aurrera kalejira egingo dute Marabiyak Sounden eskutik.
Sarrerak salgai
Sarrerak dagoeneko salgai daude bai online zein fisikoki. Internet bidez esteka honetan eskuratu daitezke. Fisikoki, aldiz, Legorretan Olaso, Insausti, Jubi eta Ezkizun; Ordizian Kirkil tabernan; Beasainen Koiote zaharra tabernan eta Tolosan Baserri taberna erosi ahalko dira. Prezioa 20 eurokoa da.
View this post on Instagram