Urriaren 4an, ostiralean, alboko esklerosi amiotrofikoa duten pertsonei buruzko hitzaldia eta dokumentala eskainiko dute Adela elkartearen eskutik, arratsaldeko 18:00etan.
Larunbatean, goizeko 10:00etatik aurrera artisau azoka egongo da herriko plazan eta 11:00etan VII. Lasterketa solidarioari ekingo diote. Hasiera batean Talidomidak kaltetuen aldeko jardunaldia bazen ere, orain bestelako gaixotasun edo ezintasunei laguntzeko egiten da ere. Ibilbidea osatzen duten 7.1 kilometroak guztiz lauak dira eta kirola egiten duen edonorentzako aproposa. Gainera, aurten berrikuntza moduan, 4 kilometroko ibilbidea oinez egiteko aukera luzatuko da.
Ondoren, txapak egiteko tailerra egingo dute Adelaren eskutik eta eguerdian Aldapa Haundi kultur elkarteak antolatuta, XV. Garagardo Azokarekin amaituko dute.
