Irailak 12
Legorretako Gizarte Zerbitzuak antolatutako eta Gipuzkoako Foru Aldundiak bultzatutako ‘Zuk jakitea nahi dut…’ egitasmoa aurkeztuko da, udal aretoan, 18:00etan. Foru Aldundiko teknikari batek zuzenduko du, eta ele bitan eskainiko du hitzaldia. Bizitzarako eta praktikan jartzeko garrantzitsuak diren erabakiak hartzeko edonorentzat zuzendutako egitasmoa da, eta baita ere beste pertsonen beharra duten pertsonentzako. Egitasmoaren inguruko informazio gehiago hemen irakurri daiteke.
Irailak 13
‘Kirola eta ibiltzearen onurak’ hitzaldia, udal aretoan, 18:00etan. Hodei Lopezek eta Iker Lasak zuzenduko dute, eta hitzaldia euskaraz izango da.
Irailak 14
Bingoa, elkartean, 17:00etan. Ondoren, 19:30ean, patata tortillen dastaketa egingo da.
Irailak 15
X. Ibilaldi Neurtua. 18:00etan abiatuko da, eta bi itzuli emango zaio zirkuituari, guztira bost kilometro osatuz. Ondoren, mokadua eskainiko da.
Irailak 17
Bazkaria egingo da. Tiketak aurrez erosi behar izan ziren.
