Legorretan gertatutako sexu jazarpen kasu bat salatzeko elkarretaratzea egin zuten ostiralean, Aiuri Talde Feministak deituta. Denboran luzatu den sexu jazarpen kasua izan da, Udalak kaleratutako adierazpenaren arabera.
EH Bildu eta EAJk adostutako idatzian gogor salatzen du erasoa Udalak eta babes osoa adierazten dio erasoa jasan duen emakumeari. Gipuzkoako Foru Aldundiak ere bat egin zuen Udalak kaleratutako adierazpenarekin.
Foru Aldundiak bere aldetik publiko egindako idatzian, berdintasunaren aldeko aldarria egin zuen, "halako kasuen oinarri-oinarrian gizon eta emakumeen berdintasun eza baitago, emakumeak kontrolpean izan nahi dituzten jarrera eta ideia matxistak".