Hastapena maila 6 urte gorakoentzat izango da eta 10 euroren truke arratsaldeko 17:00etatik 18:30etara, Bizikletarekin harremana sortzeko gune desberdinetan zehar mugituko dira: Xendapedalak parkea, bidegorri ibilbideak, mendi buelta txikiak, erreka...
XC maila 10 urte gorakoentzat izango da eta 10 euroren truke arratsaldeko 18:30etatik 20:00etara, Xendapedalak parkea ezagutu eta mendi ibilaldiak egingo dituzte.
Enduro maila 12 urtetik gorakoentzat izango da eta 20 euroren truke, arratsaldeko 17:00etatik 20:00etara maila altuago batean Xendapedalak parkea eta inguruko jaitsierak gozatuko dituzte.
Udalak izena ematea zabaldu du ekainaren 16ra arte eta interesatuek Legorretako liburutegian edo legorreta.eus webgunean sortutako estekan eman dezakete izena.