EH Bilduk helarazitako oharrean, taldearen lau ezaugarri nabarmendu ditu: “Ilusioa, ekimena, gertutasuna eta konpromisoa”. Hautagaitza “herritar talde plural batek” osatu du: “Ezagunak dira: era aktiboan parte hartzen dute herriko taldeetan eta ekitaldietan. Udalera ere, helburu horrekin aurkezten direla gaineratu duute: "legorretarrengandik gertu aritzea, udaletxeko ateak alderik alde irekita edukitzea, eta herritarren alde lan egitea”.
Udal hauteskundeei begira programa lantzen ari direla adierazi dute, baina aurreratu dutenez, Legorreta 2030 plan estrategikoa izango da datorren agintaldiko iparrorratza.