Lazkaoko EH Bilduren mahai politikoak 2027ko udal hauteskundeetarako hautagaia proposatu du, Laida Begiristain Apaolatza.
Herrigintzan aritua da Begiristain, batez ere euskalgintzan eta feminismoan. 2023an eman zuen pausoa politika instituzionalera. Oriako hautesbarrutian, EH Bilduren zerrendaburu izan zen 2023ko foru-hauteskundeetan. Batzarkide-taldeko hizkuntza-berdintasuneko bozeramailea da eta Ekonomia sustapeneko eta Proiektu Estrategikoetako batzordeko lehendakaria.
Lazkaoko EH Bilduk adierazi duenez “Begiristain ezerk bereizten badu, gertutasunez lan egitea da hori. Lazkaoko herritarren oraina zaintzea eta etorkizuna lazkaotar guztien artean eraikitzea izango du bide-orri”.
Laida Giza Zientziak: Enpresa espezialitatean lizentziatu zen Deustuko Unibertsitatean. Hainbat enpresatako Esportazio- eta merkataritza-departamentuetan lan egin ondoren, Maizpide Euskaltegian hasi zen. Azken hamarkadan zuzendaritza taldean ardurak izan ditu. 2017tik da bertako zuzendaria.
Lazkaoko EH Bilduren Mahai politikoak proposatutako hautagaia da, barne-prozedurei jarraituta, bilkideek berretsi beharko dute.