Lazkaoko Udalak Kirol Sariak 2026rako hautagaiak aurkezteko epea zabaldu du. Proposamenak 2025 eta 2026 urteetakoak izan daitezke, eta proposatutako pertsona, talde edo erakundearen izena jaso beharko dute, baita aitortza egiteko arrazoiak azaltzen dituen justifikazio labur bat ere. Justifikazioan lortutako lorpenak edo emaitzak, egindako lana, merezimenduak edo ibilbide aipagarria jaso daitezke.
Ekimenaren helburua da "Lazkaoko pertsonak, taldeak eta erakundeak, edota udalerrian kirol arloan nabarmendu direnak, publikoki aitortzea, haien lorpenak, merezimenduak, ibilbidea edo egindako lana aintzat hartuta."
Edozein pertsonak, elkartek edo erakundek aurkez ditzake proposamenak. Horretarako, Lazkaoko Udalaren www.lazkao.eus-eko galdetegia bete daiteke edo, bestela, dagokion inprimakia aurrez aurre aurkeztu Udaleko harreran edo Joxemiel Barandiaran Kiroldegiko harreran.
Proposamenak aurkezteko epea irailaren 25ean bukatuko da.