Martxaren bidez, ekainaren 27an ospatuko den Batala Mendi Lasterketako ibilbidearen zati bat ezagutzeko aukera izango dute parte-hartzaileek. Horrela, mendiko probaren ingurunea gertutik ezagutu eta paisaiaz taldean gozatzeko aukera eskainiko da, elkarlana eta komunitate giroa sustatuz.
Igandeko ekimenak elkarbizitza, inklusioa eta herritarren parte-hartzea indartu nahi ditu. Era berean, naturarekiko errespetua eta euskararen erabilera izango dira jardunaldiaren ardatz nagusietako batzuk, euskara topagune eta harreman hizkuntza gisa ulertuta.
Bestalde, zabalik jarraitzen du ekainaren 27ko Batala Mendi Lasterketan izena emateko epeak. Parte-hartzaileek hiru modalitate izango dituzte aukeran: 30 kilometroko mendi lasterketa, 12 kilometroko sprint proba eta 12 kilometroko mendi martxa.
Antolatzaileek jakinarazi dute, boluntarioentzako plaza guztiak bete direla dagoeneko. Eskerrak eman nahi izan dizkiete herritarrei erakutsitako prestutasun eta inplikazioagatik, auzolanaren laguntza ezinbestekoa baita horrelako ekimenak aurrera eramateko.
Lazkaoko Udalak eta antolakuntza taldeak herritarrak animatu nahi dituzte igandeko mendi martxan parte hartzera eta Batala egitasmoarekin bat egitera, ekainaren 27ko probako modalitateren batean izena emanez.