Lazkaok bat egin du “Bidaiariak zinemara” ekimenarekin, euskal eta Europako zinema sustatzeko helburuz. Kanpainaren bidez, maiatzean Areria aretoan eskainiko diren zenbait filmetarako sarrerak 2 euro merkeago eskuratu ahal izango dira leihatilan.
Deskontua honako film hauetan aplikatuko da: Kraken: el libro negro de las horas (maiatzaren 9tik 11ra), La isla de Amrum (maiatzaren 16tik 18ra) eta Recreación de un asesinato (maiatzaren 23tik 25era). Sarrerak Areriako leihatilan erosita baliatu ahal izango da eskaintza.
EZAEk eta Zineuskadik sustatutako egitasmo honen helburua da kalitatezko zinema herritarrengana gerturatzea, zinema aretoetara joatea bultzatzea eta euskal zein Europako ikus-entzunezko ekoizpenak babestea.
Lazkaoko Udalak herritarrak gonbidatu ditu bertako zinema industriari babesa ematera, saioak prezio berezian gozatuz.