Igandean 37 urteko emakume bat hil zen Iruñean, etxe bateko hirugarren solairutik erorita. Udaltzaingoak gizonezko bat atxilotu zuen, emakume horrengandik urruntzeko ezarria zioten agindua urratzeagatik. Epaileak gizonezkoa espetxean sartzea agindu du, urruntze agindua urratu eta emakumea legez kanpo atxikitzeagatik.
Elkarretaratzeak egin dituzte hilketa matxista hau salatzeko. Lazkaon herriko talde feministak egin du deialdia eta dozenaka lagun bildu dira herriko plazan, "bihar erailketarik izan ez dadin, borrokan ari gara gaur" lelopean.