Lexuri Vazquezek diseinatu duen irudia izango da 2026ko San Prudentzio jaien kartel ofiziala. Diseinuak, Lazkaoko tradizioa eta kulturaren eragina islatu nahi ditu, eta bi antzar jartzen ditu protagonista gisa.
Egileak, akuarela teknika erabili du lanean, eta kartelaren bidez, berdintasuna eta inklusibitatea azpimarratu nahi izan ditu. Horretarako, antzarrak baserritarrez jantzita ageri dira: bata emakumea eta bestea gizona, jaietan berdintasuna irudikatuz.
Vazquezek azaldu duenez, jaiak adin guztietako herritarrei irekita daudela adierazi nahi izan du kartelaren bidez. Kolore bizi eta kontrajarriek, alaitasuna eta ospakizun giroa transmititzen dute, eta zapiek festako parte-hartzaileak irudikatzen dituzte, herritar guztiak jaietan parte-hartzera gonbidatuz.
Aurtengo San Prudentzio Jaiak apirilaren 23tik maiatzaren 1era ospatuko dira Lazkaon. Bestalde, Lazkaomendiko ospakizunak maiatzaren 2an eta 8tik 10era bitartean egongo dira.