Realak eta Alazne Estensorok akordioa lortu dute etorkizunean ere elkarrekin jarraitzeko, jokalari gaztearen bilakaera sendoa sarituz.
Alazne 2021ean iritsi zen Zubietara hirugarren taldean aritzeko. Ordutik, pausoz pauso egin du gora harrobiko maila guztietan. Bigarren taldean mailaz igotzeko bidean protagonista izan zen eta bere lanari esker lehen taldeko ateak zabaldu zitzaizkion.
Lesio bat gainditu ondoren, denboraldi honetan egin du debuta Moeve F Ligan eta maila bikaina erakutsi du ate azpian. Bere errendimendu onak, nazioarteko aitortza ere ekarri dio. 20 urtez azpiko selekziora deitu dute, laster jokatuko diren hiru lagunarteko partidetarako.