ELA, LAB, Steilas, Hiru eta Etxalde sindikatuek Greba Orokorra deitu dute datorren martxoaren 17an eta bihar batzar ireki informatiboa antolatu dute Lazkaoko udaletxeko batzar aretoan. 1.500 euroko Lanbidetarteko Gutxieneko Soldata ezartzea eskatzen dute eta Greba honen bitartez, Gobernuek eta patronalek gai honi buruz eztabaidatzea lortu nahi dute, hauek eztabaidari atea itxi diotela ikusi ondoren (Grebaren inguruko informazio gehiago hemen).
Biharko batzarrean, alde batetik, Grebaren planteamendua aurkeztuko dute eta, bestalde, Lazkaon burutu beharreko zereginetan zentratuko dira, herritarrak bidelagun izateko gonbita zabalduz. Hauei, herritarrei, zuzenduriko batzar irekia izango da eta arratsaldeko 18:30ean egingo da, Grebaren deitzaile diren sindikatuak bertan izanik.
