Irailarekin batera, Joxemiel Barandiaran Udal Kiroldegiak bere ohiko ordutegia berreskuratu du. Hemendik aurrera, astean zehar goizeko 7:00etatik gaueko 21:45era egongo da zabalik. Larunbatetan, 9etatik 13:30era eta arratsaldean 16:00etatik 20:00etara egongo da erabilgarri eta igandeetan berriz, goizez bakarrik irekiko da.
Ordutegia berreskuratzeaz gain, abuztuan zehar egindako lanen ondorioz, barruko igerileku berriak prest daudela azaldu du Lazkaoko Udalak. Horrela, gaur egun bi igerileku estaliak jendearentzat irekita daude:
• 25 x 12,5 metroko igerilekua, igeriketa praktikatzeko.
• 12,5 x 8,5 metroko igerileku txikia, sakonera txikikoa, familian gozatzeko, jolasaren bidez uretara egokitzeko eta errehabilitazio eta indartze jardueretarako oso egokia.
Estaligabeko igerilekuak berriz, igandean itxiko dira, udako denboraldiari amaiera emanez.
Ipuin kontalaria igerilekuan
Asteazkenean, irailak 3, Lazkaoko estali gabeko igerilekuan, “Kolorez Jantzia” emanaldia eskainiko da. Arratsaldeko 17:00etan hasiko da ipuin kontalaria eta 5 urtetik gorako haurrei zuzendutako jarduer izango da.