Bilbao BBK Live musika jaialdiak osatu du bere kartela, eta izen goierritar bat topatu daiteke bertan: Eider lazkaotarra igoko da Kobetamendiko oholtzetako batera bere musika plazaratzera. Uztailaren 10etik 12ra ospatuko da aurten Bizkaiko jaialdi jendetsuena.
Michael Kiwanuka eta Pulpekin batera
Ostegunean izango da Eiderren kontzertua. Pulp, Michael Kiwanuka edota Kaytranada bezalako musikari entzutetsuekin batera arituko da egun horretan. Gainontzeko bi egunetan oholtzaratuko dira Kylie Minogue, Nathy Peluso, Bad Gyal eta hamaika artista gehiago.
Euskal musikariei tartea
Aurtengo Bilbao BBK Live jaialdian, nazioarteko izenez gain, musikari euskaldunek ere izango dute euren protagonismoa. Eider lazkaotarraz gain, Kobetamendin izango dira Amaia, Janus Lester, Mirua, Hofe, XSakara edota Malko.
