Hamargarren urtez, Gabonetako Erakusleihoen lehiaketa antolatu du Lazkaoko Udalak, tokiko negozioetan kontsumoa sustatu, garapen ekonomikoa bultzatu eta Gabonetan udalerriari bizia emateko helburuarekin.
Hogei saltokik hartu dute parte aurtengo edizioan. Guztira, 1.100 boto baino gehiago jaso dira eta Leire Sormenetik Harago, Amets Bat eta Xanu dendako erakusleihoak izan dira boto gehien jaso dituztenak.
Gaur goizean egin dute sari banaketa udaletxean eta irabazleek askotariko produktuez betetako saskia eta diploma bana jaso dituzte, beraien sormena eta ahalegina balioan jartzeko.
Lehen hiru sariez gain, botoarekin parte hartu zuten pertsona guztien artean, bost erosketa-bonu zozketatu dira. Hauek izan dira sarituak:
- 300 euro: Arantxa Bengoa Gorosabel
- 100 euro: Ioritz Garmendia Irastorza
- 100 euro: Esther Rodriguez Echevarria
- 100 euro: Marian Madariaga Irastorza
- 100 euro: Izaro Mujika Badiola
Bonu horiek urtarrilaren 4a arte erabili ahal izango dira, lehiaketan parte hartu duten saltokietan.