Urtero bezala, herriko kale eta establezimenduak edertzeko eta bertako merkatariza indartzeko helburuarekin, Lazkaoko Udalak Gabonetako Erakuslehioen Lehiaketa antolatu du.
Aurtengo edizioan, herriko 20 denden partaidetza dugu. Bozkaketan parte hartzeko, saltokietako boto-txartela bete eta udaletxeko hautestontzian utzi beharko da eta parte-hartzaile guztiak herriko dendetan gastatzeko diru bonuen zozketan sartuko dira. Hauek, lehiaketan dauden saltokietan gastatu edo trukatzeko 300 €-ko bonu bat eta 100 €-ko lau bonu irabazteko aukera izango dute.
Lazkaoko Udalak, herriko ekonomiari laguntzeko helburuarekin egindako ekimenean parte hartu duten herritar zein dendei eskerrak eman nahi dizkie eta oraindik ere parte hartu ez duten herritarrak, gabonetako jai giroan parte hartzera animatzen dituzte.