Berriketan solasaldia tertulia saioak berriro martxan jarriko dira Lazkaon. Udala, Maizpide eta Gerriko Kultur Elkartearen eskutik antolatzen den hitzaldi ziklo honetan gai desberdinak lantzen dira. Denboraldiari hasiera emango dion lehenengo solasaldia "Altxa burua pantailetatik begietara!" izango da. Maitane Ormazabal psikologoa eta irakasleak gidatuko du eta bertan sare sozialen erabilerak sortzen dituen arazoak eta kezkak azalduko dira.