Aldagela berriak igerileku berriarekin lotzen dituen behin-behineko pasabidea eraiki bitartean, Lazkaoko Joxemiel Barandiaran kiroldegiko igerileku estalia itxita egongo da uztailaren 14tik, igandea, 21era arte. Estali gabeko igerilekuak egunero egongo dira zabalik, 11:00etatik 20:30etara. Igerileku berria uztailaren 22tik aurrera egongo da martxan.
Honako hau izango da kiroldegiko zerbitzuen funtzionamendu-ordutegia uztailean: astelehenetik ostiralera, 7:00etatik 22:00etara; eta larunbat, igande eta jaiegunetan, 9:00etatik 20:30era. Muskulazio aretoa kiroldegiko ordutegi osoan zehar egongo da zabalik. Igerileku estaliari dagokionez (zabaltzen denean), ordutegia astelehenetik ostiralera izango da, 7:00etatik 21:00etara, eta larunbatetan 9:00etatik 13:00etara.
Joxemiel Barandiaran Kiroldegiko bazkideek Ordiziako Majori igerilekua erabili ahal izango dute igerilekua itxita dagoen bitartean.