Lazkaoko Udalak "Nik Lazkaon, zuk zergatik ez?" merkataritza bonuen VIII. kanpaina jarriko du martxan astelehen honetatik aurrera.
Guztira 2.000 bonu jarriko dira salgai, 30 euroko prezioan eta 40 euroko erosketa-balioan. Guztira 58 komertzio atxiki zaizkio kanpainari. Bonoak 5 euroko 8 tiketetan banatuta egongo dira; hauetatik 3 saltoki parte-hartzaile guztietan erabili ahal izango dira, eta gainerako 5ak, denetan, elikaduran izan ezik.
Bonuak zenbakituta egongo dira eta erosten dituen pertsonaren NANa erregistratuko da erosteko unean. Pertsona bakoitzak 5 bonu erosi ahal izango ditu gehienez, eta beste pertsona bat ordezkatuz ere erosi ahal izango ditu (gehienez 3), NANa aurkeztuta.
Urriaren 23tik aurrera egongo dira salgai Lazkaoko udaletxean, 8:00etatik 17:00etara. Plazan ere erosi ahalko dira horretarako jarriko den karpa batean, astelehen goizetan, bonuak agortu arte. Bonuak azaroaren 30era arte trukatu ahal izango dira.
Baserritarren bonu berriak ere eskuragarri
Azaroaren 30era arte baserritarren bonuak ere erosi ahal izango dira. Hauek 20 euroko salneurria dute eta 35 euroko erosketa-balioa eskaintzen dute. 5 euroko 7 tiketetan banatuta, helburua tokiko lehen sektorea bultzatzea da. Inguruko 5 baserritan truka daitezke.