Lazkaoko Berdintasun Batzordeak protokolo feminista berritu du San Prudentzio jaien atarian. Iaz egindako lanarekin jarraituz, erasoen aurrean arduraz jokatzeko eta konplize ez izateko deia egin nahi du. Izan ere, guztion ardura da denok libre eta eroso sentitzeko espazioak sortzea, ez emakumeenak bakarrik. Protokolo honetan, halaber, begirada intersekzionala izateko ahalegina egin da, eraso LGTBIfobiko eta arrazista barne hartuz.
Tabernetan ere kopiak banatuko dira, eta erasoren bat gertatuz gero, egoerari lehentasuna emateko eta, beharrezkoa izanez gero, jai-giroa mozteko eskatzen zaie: argiak piztuz, musika itzaliz, erasotuari bere jarrera aurpegiratuz eta tabernatik kanporatuz. Bestalde, garrantzitsua da erasotuak unean uneko erantzunari, gertaeren hedapenari eta salaketari buruz duen iritzia errespetatzea.